L' ghia 'na olta, de prof a n'a cesa ,n'a bèla pianta che lìa stàda mitida zo a ricordo delle missiù. La zèt i la ardàa tùtte le olte che i nàa a messa perchè lagheregordàa argòt de bel e tucc i ghè ulia bè come che la fodès la so pianta.
Ma n'brùt dè a ghela bèla pianta che la ignia vià issè bè,l'ha cuminciat a gniga zalde le foie, so la sima , e i ha capit che la sima lia drè a secà... e quant che l' sècà la sima lè miga bù sègn... Alura i se riuniccargu de chei che se ne n'tindia e i ha tacàt a resunà del perchè mai che 'l ghe secàa la sima a chèla bèla pianta.Giù 'l disia : l'è segn che 'l ghè zo 'n de le radìs an busatì che rosèga ... ma i piò tancc i disìa che l'ia colpa de la sùta ... Ma 'l parìa miga era gne chel, perchè prope lè , sota la pianta , al ghìa 'na gran fontana an dòe che i fàa be'er le ache ... Alura 'l sarà 'l diaol! ma l' è trop de pròf a la cesa perchè 'l diaol al pòde fa del mal ... finalmente al piò fùrbo la dit issè : me so sùgùr che la sima l' è seca perchè la ga sèt , gnarès propre riaga a dàga de beèr ... me disarès de moiala zò 'n de la fontana 'n bel momènt .
Ma come am po de fa ?
L' è subìt fat . Al piò zuen al va so la sìma e 'l la piega zò a archèt , ma sensa rumpìla ; an ' oter al sè taca sò a le gambe del piò zuèn, 'n oter amò a le gambe de chèsto en 'fina ghe la piànta la è a le gambe de chèsto n' fina ghe la piànta la piegarà zo e co la sima tocarà l'aiva de la fontana e la se rinfrescarà pulito. L'idea la ghè mi miga parìda sbagliàda gne ca i otre e issè i ha fàt .An bèl matelòt gaiard l' è nàt so la sìma e 'l l'ha sanfàda bè e po 'l sè lagàt gni zò col peso del corp, e la sima la sè piegàda ;'n otèr al se tacàt a le gambe del matelòt e po 'n otèr amò , e amò , 'n fina che i sia tacàcc via 'n quàter o sic e i tiràa e i tiràa ... ma la pianta l' ia piò gaiarda de tùcc lur ... an po la sia piegada ma miga del tùt...
hoho, forsa ! i vusa'a chei che ia zo 'n tèra a ardàga drè a l' operasiù!
alura chel matelòt chè 'l tignìa la sima , chè l'ia 'l prim de tùcc chei che tira'a l'ha pensa't an trà de lù:
Pòta , 'l mè biusca le ma ... speta che me spùde so le mà...
e l'ha destacat le ma per spùdàga sò.
Pataplumfete ! i è ciombac zò tùcc an de la fontana ... e i sè po tùcc fo la sùta dei òs a lur , tùcc an sèma...
Nessun commento:
Posta un commento